ريلاكس ..كيب تراي

اهدي

حاولي

اهدي، اتنفسي براحة

شهيق عدي اربعة

1

2

3

4

زفير

1

2

3

4

غمضي عينكِ

انتي إنسانة ذو قيمة،قولي

لا

قوليها بصوت مسموع

انا انسانة ذو قيمة

تلت مرات

انا انسانة ذو قيمة

بصوت اعلي

انا انسانة..ذو قيمة

اعلي

انا انساااااااااااااااااااانة ذوووووووو قيييييييييييمة

فتحي عينكِ

عدي لحد عشرة

1

2

3

4...

لامؤاخذة بتأمل

ياتري الصداع شكله اية؟
لو حنجسده يبقي اكيد حيكون راجل مش ست راجل طويل ،رفيع اوي ،مناخيرة شبه المنشار ،ماسك ف ايدوه شاكوش كبير ،كبير اوي اكبر من حجمة مرتين تلاتة،
ومعاه مسامير كتير رفيعه ،ملونة،زي الدبابيس بتاعت الطرحة،بيرشقها بشكل محترف ويثبتها بالشاكوش بفن،
الاحمر ف العصب والاصفر ف الفص الايسار والابيض ف الجيوب الانفية والازرق الرمادي ف الذاكرة

الذاكرة شكلها اية؟اكيد هي ست مش راجل، وحتبقي ست عجوزة مكرمشة،ايديها مكرمشة ،وتحت عينيها خريطة لتجاعيد اتسجلت بتواريخ منسية
وعلي كتفها شال كحلي سادة،مشرشب من تحت يادوب،ولون عينيها رمادي باهت يادوب برضه ،وقاعدة مستنية فرحة

الفرحة شكلها ...
اكيد مش شبه راجل او ست ،شبة عيال ،عيال متشردة،خارجة بعد اخر إمتحان تغني بصوت عالي
خدنا الاجازة طظ ف الدراسة احنا موووووووووش نافعين
هييييييييية

شكل الندم اية؟
مالوش شكل محدد هو عبارة عن سائل او مركب كيميائي غليظ القوام ،برضه مالوش لون محدد
هو وظفته اساسا تشوية الالوان تشويه كل شيء اي شيء يحاول يقرب منه او يحاول يكتشفه

اية طعم الحنين؟ زي طعم الشاي بحليب بالظبط اما تغمسه بالبقسمات ويبقي بايش

اية شكل الزوغطة ولية الصخص بتيجيله زوغطة يعني بيحصله ايه؟
واية اللي بيحصل للمناخير تخليها تشّخر اما الصخص يبقي نايم ،و اية اللي كان ممكن يحصل لو اسطورة بنوكيو حقيقية
وازاي صخص معين يحب صخص معين بعينه حتي لو كان الصخص المعين ده صخص رزل ، والعكس
وياتري ابو قردان وظفته ان ياكل الدودة الضارة ولا الدودة الضارة وظفيتها انها تبقي غذا ابو قردان واساسا هو صخصيا اسمه اية؟
وياتري الـ مالا نهاية والسالب مالانهاية حاجة كده زي الازل والابد؟
و
و
والصنف ده عالي اوي اوي
واللي يحبنا ما يضربش نار

عشة لم المخانيق

بصراحة بقى يا فراخ العشة انتم بصراحة يعنى انتم خنقتونى ( اتنين بصراحة واتنين انتم للتوكيد عشان بينا فلاحين :) )
مفيش اى ... طيب بصوا بقى سلام عليكم

طرنشـــــــات أخرى ( دو لا ترنشات افيك تانية ياصافية )

هى نفس الاشياء اللتى احببت ان اقرأها واطلق سراحها من سجن عقلى بنص المدة لسوء السير والسلوك وعدم قدرتى على تحملها فى السجن حتى لاتقوم بافساد باقى مساجين عقلى سيئى السير والسلوك ايضا ..... يلا اتفضلى اخرجى ...:-
* ونحن على ارض الواقع ايضا نسقط ..... كثيرا.
* لست فى حاجة الى جناحان حتى ..... تطير وتحلق بعيدا .
* كلما تأملت مروان تمنيت ...... ان يكون لى مثل عقله.
* كلما سمعت حميد الشاعرى شعرت ببرد الشتاء ... ودفئ الذكريات.
* رغم كرهى الشديد له .... اشعر بحنين ... انه البحر .
* مازلت احتفظ بها ... رسالة كتبتها بقطرات من دمى يوما
مازلت اذكر ايضا آلام وخز الأبرة فى اصابعى حتى احصل على مداد رسالتى ..... لها
* مازالت اسباب سعادتى وحزنى .... نابعة منها.
* الحب حياة ... واحيانا كثيرة موت.
* ثوانى وراجع رايح اقلى نفس السمك اللى شويته الطرنشاية اللى فاتت ( سيكوندو سيلفو بليز ياصافية لو سمك افيك لا مقلاية )

من وحي اسبيس تون

مشهد كرتوني فلسفي نفسوي عميق

ذالك المشهد العبقري الشهير الذي ابدع فيه توم عندما حاول الامساك بزمارة رقبة جيري لكن الاخير تنحي جانبا خلف ماسورة المدخنة ف اللحظة الحاسمة
فظل البطل توم يركض فوق الهاوية دون ان يلاحظ ذلك ..يجري في الهواء

يجري في الهواء.. يجري في الهواء


يجري في الهواء




وحين ادرك(استوعب)ان لا يوجد ارض تحت قديمه..حينها فقط سقط
!
هكذا هو الامر دائما عندما نستوعب..نسقط
علي ارض الواقع

علامة تعجب

القاهرة 30فبراير
2002
عزيزتي زفت الطين نفسي الهبابة والقطرانة ؛اكتب لكِ بعد ان فشلت كل محاولاتي في تغييرك ،يئست، زهقتي امي يا شيخة وتعبتني معاك كيف تسمحي لي ايتها الهبلاء المازوخية بان افعل بكِ كل هذه البلاوي المتلتلة؟
كيف لكِ ان تأخذي كل تلك- البلاوي- علي محمل الكوميديا والاستخفاف والعتة الكرتوني؟
وتكتفي بقرص موتليوم ؟ بالله عليكِ يا شيخة ما قصة الموتيليوم معكِ! انتِ لايوجد منكِ فائدة؛ فالتذهبي للجحيم
،محبتي
مدام ضاضا



القاهرة31 فبراير2002

السيدة الفاضلة؛ مدام ضاضا لقد وصلني خطابك المحزن بالاسي بتاريخ 30فبراير2002
؛واردت ان اوضح لكِ بعض النقاط واتمني ان تستوعبيها جيدا

اولاً:بخصوص فشلكِ في ما اطلقتي عليه(محاولاتكِ)لتغيري؟ هل تسمحي لي ان اقول لك:هع؟
انتِ يا عزيزتي العزيزة لا لم تفشلي،لانكِ اصلن لم تحاولي من الاساس،
قولي لي عن اي محاولات تتحدثين،علّني كنت مسافرة او شيء من هذا القبيل!
انتِ لا يوجد لديك رغبة حقيقية في تغيري -ومستعدة احلف لكِ ع المصحف-الامر في غاية السهولة
-ولو كنت مكانكِ لفعلت ذلك-ان يكون لديك رغبة حقيقية في التغيير

ثانياً:هههه اما عن الجزء بأني (قد سمحت لكِ ...الي اخره)فانا لا يوجد لدي تعليق بصراحة،لان تعليقي حيكون (ابيح) شوية،ولذلك سأكتفي بسؤالكِ
لما تغافلتي عن صراخي؟ هل انتِ افضل الان بدوني؟

ثالثاً:عن سؤالك عن الموتليوم؛ لا عليكِ انها فقط دعابة
واخيراً،اتمني لكِ التوفيق ..بدوني

نفسكِ

هافت علي بالي فجأتن