كان عيد ميلادي المش فاكرة كام..
كنت مبسوطة اه ..دي عايزة كلام
طبعا زمان الواحد كان يفرح اكثر للمناسبة دي.. وحتى ساعات بينتظرها عشان يجيلو هدايا ويا سلام لو دباديب بقى..
بيفرح لما يعمل هوووووووووف ويطفي الشمع ..وطبعا مش بينطفي كلو وبيبقى بيتسابق مع ولاد الجيران عشان يطفيهم قبلهم..
وشمعة على شمعة يفقد العيد معناه ..وتفقد الاحتفالية فرحتها..ويبقى العد العكسي شغال..فاضل بينا وبينو كام
يا ترى بكرة ولا بعدو ..بعد ساعة ولا ثانية
شمعة على شمعة بنبقى مستنين حد يرفع السماعة ويقول ..كل سنة وانتم طيبين
بس ما حدش بيجي ولا بيتصل وكان الكل خايف من العداد ..
واحنا بنبقى خايفين من الشموع الللي بترقص قدام مننا ومش قادرين نطفيها..
يااااااااااه كل دي شموع ..كل دي سنين عشناها..كأنها امبارح بس
طب هنلحق نطفي الشمعة الجاية..ويا ترى هتكون شمعة تنور طريق ولا شمعة ندم
على أمل ان نعيش للغد..كل سنة وانتي طيبة يا صافي..
على فكرة الشمع على حسابي..ابقي شوفي رانيا تجيب لك تورة بالشوكولا
