طافاطيفي طا طا طا

فاكرين نور الهدي؟ سماح؟ الحرافيش؟.... ايوة عليكوا نور
كلمتها امبارح اتصلت بيها ..احم..احنا ف رمضان..هي الي اتصلت،ايوة بس بعد ما شافت رنتي :)اساسا انا ماكنتش برن كنت بتصل
المهم يا عيال لاقتها فكراني لسة وقالت لي سلملي ع الكل وعاملة اية وبتاع ،انا اتجوزت علي فكرة؟،والله ..طيب الف مبروك،انتي اختفيتي لية ؟،ابدا اصلي جه وقت اشتغلت فيه وماكنتش بقدر ادخل خالص؟،طيب ان شاء الله نبقي نشوفك قريب بقي؟ احنا مش نسينك ..انا حبيت اقولك بس اننا مش نسينك وكل سنة وانتي طيبة مع انها متأخرة اوي،وانتي طيبة وربنا يوفقك
عايزة اقولكوا ان تعتبر دي تاني مرة بس اكلمها في التليفون وعلاقتي بيها زي علاقتكوا بيها بالظبط ..عادي يعني:)

مرة برضة هاهاها بس المرة دي كانت بهطل شوية...
كنت بافعفع في ذكرياتي القديمة :) ولقيت وسط الورق اوتغراف...اساسا وقتها كنت جايباه عشان صحباتي والمساتر والميسات يكتبوا لي فيه
المهم وانا بافره كده لاقيت مكتوب هههه اى والله بخط بشع:
دخلت اوضة منورة
لقيت شمعة منورة
قلت اية ده يا هل تري؟
قالوا لي رنيا السكرة
حديد+رصاص=حب واخلاص
رنيا+نسمة= حب واخلاص
rania+nasma=love for ever
رقم تليفونها

:)))))

قوم اية بقي انا اتصلت بالنمرة يعني لعلي اتذكر من نسمة تلك !!!
والاهم من ذلك اعتبها لكتابتها اسمي خطأ مرتين!!
تري ماذا حدث بعد ان طلبت الرقم المذكور؟
.
.
.
.
هذا الرقم غير موجود بالخدمة من فضلك تاكد من الرقم المطلوب واعد المحاولة هذة رسالة مسجلة

تيييييييييت

معقولة يكون اتغير اصلي الكلام ده عدي عليه تلاتاشر سنة بس:)