اضحك الصورة تطلع حوة

1

2
3

الصورة النهائية

السر .................فبير

مرة واحدة صاحبتي الله يمسيها بالخير..طبعا هي عارفة نفسها كويس نصحتني اني اشوف برنامج أوبرا وينفري..طبعا الناس دول من عالم ثالث غير عالمنا عشان ما اقولش عالم تاني لان الفرق بينا كبير جدا..وما حدش يفتكر بردو ان عالم تالث معناه متخلف زينا .لا يا سيدي في فرق وفرق كبير جدا طبعا والدليل ان الناس دي تقدر تشتري كتاب ب 20 دولار بالنسبالنا ولا يسوى 2 فرانك وتتغدى بقطعة خيارة..انما عندنا العكس تماما..لو فكرت تجيب كتاب غالي حتى لو كانوا مقررينوا عليك في كلية الهندسة ابوك هيقولك 200 درهم ..يعني كيلو لحمة وشاي وسكر وزيت وخضر وسميد روح يا ابني استلفوا ..خليك شاطر ..لازم تكون دماغ وتتعلم اقتصاد ..ايوة ما انا عارف انك هندسة الاقتصاد سياسة اساسا..ابوك ده نفسو لو كان معروض في فرح ممكن الرقاصة تميل عليه وترقص لو وترخي عليه شعرها يقوم مديها اللي في الجيب ومش بعيد يبيع البيت فوق دماغ اللي خلفوكم ويتجوزها عرفي..وطبعا ولما تخلص على اللي حبلتو هيرجع لكو ندمان ولازم تقبلوه عشان حتى لو ابوكم مسخوط معاكم انتو لازم تبقوا مرضيين معاه..والمجتمع ما يرحمش -الضعيف طبعا اللي هو انتو- ما علينا-او على راي المشارقة شو علينا بطول السيرة-
كنت نتكلم عن أوبرا مرة استضافت واحدة كاتبة كتاب اسمو السر وطبعا الاخ السير الرفيق المستر عامل ضجة بأمريكا -المندبة كبيرة والميت فار- وقال شو انك بين ايديك مصباح علاء الدين اطلب واتمنى والكون سيحقق لك ذلك-الكون اللي هو مين مش فاهمة..ده لاني مسلمة وكل ما اقرا شي عرق عرب الجاهلية بينقح عليا وببقى عايزة افهم كل حاجة-
الكتاب انا ما اشتريتوش..قريبتي جابتو لانها امريكية التفكير من الفقي بتاع كندا للبيست سيلر بتوع امريكا كلهم هتلاقي عندها..المهم وعملا بنصيحة الاباء استلفتو منها..وصراحة احلى شي فيه الغلاف بلونو الاورنج وعليه شوية رموز تخليك تفكر انو كتاب قديم فعلا وانو ليه قيمة تاريخة..قريت منو مقتطفات ولاني لم اقتنع به كثيرا قلت اجرب لعل نظريتي خاطئة وقلت اجرب حكاية سر المال -جبت شوية كمبيالات فاضية وكتبت فيها اسم المستحق اللي هو حضرتي وعلقتهاعلى باب الدولاب وكل يوم الصبح اقول سوف احصل عليك-طبعا كتبت مبلغ مش خيالي.. شوية بس.. يعني حتى لو طردوني من الشغل مثلا مستحيل هيدفعولي تعويض بقدر المبلغ ده-
وقعدت استنى تاريخ الاستحقاق اول ما وصل 31/07 قلت اهو هنشوف بقى يا امريكا مين فينا المجنون.. تاني يوم طبعا هاخد مرتبي لقيت المدير خاصم 450 درهم بدل اجازة مرضية مع انو فات عليها شهرين.. كتمت فنفسي ولسان حالي يا قولي سرك فبير يا امريكا..

تقطيع البقلاوة

طريقتي العبقرية الفنية في تقطيع البقلاوة:

بعد الحاح وطلب كبير على كشف سر التقطيع, تنازلت و قررت افشاء'' السر''
ويكون بالخطوات التالية - بالصور-
1- تقطيع الى اربع قطع متساوية

2- تقطيع كل ربع الى نصفين للحصول على ثمانية قطع

* في الاول ماتقطعيش, فقط ترسمي الخطوط بشكل خفيف حتى تتأكدي من ان القطع متساوية

بعدها تقطعيهم

من بعد نعمل على كل قطعة (1/8) على حدى:
3- عمل خطوط موازرية لخط العرض

4- عمل خطوط موازية لخط الطول

5-تعملي نفس الشي لباقي الاقسام

اخيراا

تلقايها بهاد الشكل

وتحطيها في الفرن لمدة ساعة ونص

طبعا ماتنسيش الحرارة متوسطة و الصينية تقيلة

يعني مش اي صينية لازم الخاصة بالبقلاوة اللي تكون تقيلة

اعادة الافتتاح

بسم الله الرحمن الرحيم

بعد عهد من الاغلاق التعسفي والقهري للعشة, و محاولة من بعض المغرضين للقضاء على اللمة و على ريحة الفراخ
فاليوم , نحن, صاصو والمرحو قطها, نعلن اعادة افتتاحها , بحلتها القديمة المهترئة, والتي ان دلت على شيئ انما تدل
على عراقتها و ثبات ريحة العشة.

وبما ان العيد على الابواب ولم يطرقها بعد..
فالبداية تكون قاتو العيد, لكل من مازال يمتلك اسنانه الاصطناعية

و هادي البقلاوة, طبعا اساسية


والمقروط لازم




ملاحظة صغيرة
طبعا مش انا اللي محضرة القاتو

انا مش فاهمة بصراحة هو انا بنت البطة السودا يعني؟ كل مرة انا اللي ادخل وانضف واهوي وامسح هو اي نعم انا فعلا بقالي كتير ما نضفتش هنا لاني بقالي كتير ما دخلتش هنا
واما دخلت لاقيت ريحة العشة مكمكمة ولا القبر وصاصواذكات ماشاء الله مبخر المكان حتي لاقيت علي صورتي الجميلة اللي ماسكة مضرب الجولف.. احم احم لاقيت ..بس اما تيجي يا صاصو قاعدة تتفسحي وحاطة علي قلبكِ مراوح وسايبة قطتكِ تعمل كاكا في كل مكان وعلي صور الناس يعني ينفع كده طيب؟ بس اما اشوفكِ.

المهم انا كنت داخلة عشان اقول ان في حاجات غريبة بتحصل بتنبثق من واقعنا كده ماتعرفش،حاجات تخليك تضحك لدرجة تفطسك من العياط وحاجات تانية تبكيك لدرجة الضحك الهستيري
وفي حاجات بتخليك مش عارف المفروض تعمل انهي الاول تضحك ولا تعيط؟ فيطلع الاتنين في نفس واحد في وقت واحد
وعليه في حدثة انبثقت في وشي النهاردة ع الصبح خلتني اسح من الضحك ،خير اللهم اجعله خير واحنا راجعين لاقينا عربية لوري وشها متطبق مدشدش وشبه لهيكل لعربية ملاكي متفشفش قدامها وازاز متنطور وع الرصيف مكتوب بالبنط العريض في جرنال مغطين بيه الجثة المدهوسة"الحكومة تسعي للبدء في المرحلة الثالثة لحل ازمة المرور بحلول 2010"

!

رسالة بكتبهالكِ يابنتي عللكِ تستفيدي

رسالة بكتبهالكِ يا بنتي علكِ تستفيدي...
ابنتي العزيزة في امور احب اوضحهالكِ عن حاجات ممم يمكن مش حتعجبكِ ف العالم بتاعنا ده
اول حاجة حتقبلكِ يا ضنايا انكِ حيطلب منكِ انكِ تقومي بالعملية-انا عارفة انها حتبقي صعبة عليك-ِعملية التنفس يا حبيبتي-ايون-دي حاجة احنا كلنا بنعملها يعني معلش تاني حاجة-وعارفة انكِ حتتألمي نفسياً اوي خالص وانا كمان والله-بس معلش حعمل ايه يعني غصب عني ياروحي هي الفطام،(هكذا هي الحياة حرمان) المهميا حبيبتي حتكبري شوية وتبدأي تعتمدي علي نفسك وتقفي علي رجليكِ ساعتها جه وقتها ان اسيبكِ تقعي-طبعا انا بحبكِ بس بعمل كده عشان تتعلمي انكِ تقفي تاني لوحدكِ حتقعي كتير معلش لحد ما تتعلمي(هكذا هي الحياة تجارب) كبرتي يا حبيبتي وبقيتي تقولي ماما وبابا ولا..لاء ما تئلئيش مش حوديكي الحضانة-مش انا الام اللي تدفع بنتها للحضانة ابداااا-بعد كده بقي تعدي الايام والسنين لحد ما حبيبتي تكبر وتبقي اجمل وردة مممممم ويحصلكِ حاجات وتغيرات فسيولوجية متئلئيش خالص دي حاجات بتحصل لكل البنات عادي،ووقتها حكون مفهماكِ كل حاجة طبعا ايوة ماحنا حنكون اصحاب(هكذا هي الامومة وإلا فلا)-وعليه-حتيجي مرة من الجامعة لونكِ مخطوف ومسهمة كده حسألكِ -بخبرة الام - مالكِ؟ حتقوليلي ياماما مش احنا صحاب وانا ما بخبيش حاجة عنكِ..الخ وبعدها تقولي مممم انا ممم انا بحب ياماما ساعتها يا حيبتي بخبرة الام برضة حكتم مشاعر الغضب وافرقع بلونة الشبشب ابو صباع واسألكِ بلطافة: ممم ياسلام بتحبي يابطة؟؟ مممم اية يعني ان شاء الله مين يعني وشوفتيه فين خير يعني؟؟؟انطقي!!
حتردي تقولي ياماما ياماما ده زميلي ف الجامعـ (اقطعكِ)طالب بسلامته؟؟
انتي:ايوة ياماما.. ده انسان محترم جدا وانا مارضيتش اتكلم معاه قلت له عندك بابا روحله
ارد بمنتهي الخبرة:ابوكي مش حيوافق... ولا انا.. احمدي ربنا اساسا اننا سبناكِ تكملي تعليمكِ ...احيه ال بحب زميلي ال مافيش بنت محترمة بتحب...ياخسارة تربيتي فيكِ ،(فترة سكوت وبعدها اكمل) طب ياختي ما تحبي شلبي ..شلبي اولي...مالو شلبي؟؟
انتي يا غلابوية:تاني ياماما تااااني؟؟ مابذيادة بقي هي السيرة دي ما بتخلصش؟
انا: اسمعي كلام امكِ وخدي ابن عمكِ ربنا حيفرج لكِ همكِ
انتي:ماشي يامّه نتفق... خليه يجي يكلم ابويا ويقعد معاه ويشوفه وبعدين اذا ما عجبشي..ابقوا قرروا بعدها اني اتجوز شلبي ولا هبلي ساعتها
انا: م الاخر يا بنتي ..انا وابوكي مش موافقين ..ده اخر كلام.. ركزي ف مذكرتكِ..بلا قله حيا
انتي :ده ظلم وحيات ربنا..طب اعمل اية..افطسكوا مثلا يعني..اعمل اية ياربي!!
اقطعكِ انا بالكلمة اللي بتخرس جميع البنات:اخرسي يا بنننت
المهم يعني تعدي كمان شوية سنين و..انتي عارفة يا حبيببتي اني بحب النظام فارجوكي ماتزعليش لما ازغر لمقصوف الرقبة حفيدي_شلبي الزوغير-اما يشب ويوقع الفازة ويصر ان لازم يكسرها او لما يجي يسألني ببلاة ستو ستو انا جيت ازاي ..او اي فعل مجرم يخدش وقاري وانا ف السن ده
ولو موت اساسا قبل اليوم ده ما تصوتيش عليا يعني للدرجة اللي تبوظ وقار مراسم العزا وما تزعليش ان ما سبتلكيش حاجة يعني عشان تتفشخري بيا عادي يعني-هكذا هم العظماء يرحلون دون ان يتركوا اثر- ومتئلئيش فانتِ اجلا ام عاجلا حتلحقي بيا
بس والنبي يا حبيبتي-بعد الشر يعني- لو كان عاجلا ما تنسيش بعد ما تيجي تقفلي الباب وراكي لانكِ زي مانتي عارفة ما بخدش راحتي الا لو كان الباب مقفول

في خبر عاجل اول امس عن حادثة حدثت منذ ستة ايام
بلغنا ان ضاضا تعرض لهجوم رهيب من نسوان ملتشحات بالسواد وتحت تهديد مطوى على الرقبة
طبعا ضاضا ما سكتشي وقاوم وتحدى بعلياء وكبرياء, وصرخ بقوة '' لااااا انتو مش حتخوفوني''
ولكن...
وللاسف..
تهوره ادى الى ما لا يحمد عقباه
وقبل ان يعي ضاضا ما حدث وهو يكرر كلامه عن انه مش خايف منهم
فما كادت السكينة تشق طريقها في رقبته حتى وقع على الارض فاقدا للوعي
مضرخا بدمائه ...
و يبدو انه صراخه قد نبه بعض اولاد الحلال فوجوده مرميا على الارض فحملوه الى المستشفى
في حال يرثى لها ..


يا هل ترى نجا ضاضا من محاولة الاغتيال ؟

يتبع.. ياترى ماعلاقة الصورة بالموضوع؟

نكتة يعني

مرة صخص غبي فضل واقف في طابور طويل عريض عشان يقطع تذكرة القطر اللي سمع بودانه اللي حياكلهم الدود صفارة الانذار بتعلن ان خلاص القطر ده خلاص ح يمشي
ح يمشي ح يمشي
بيمشي بيمشي
مشي مشي
ولسة الطابورطويل عريض ولسة الصخص الغبي واقف عشان يقطع التذكرة بتاعت القطر اللي شافه بعينه اللي حياكلهم الدود انه مشي
خلاص مشي

مد رجلك

حكاية ضد لم الشمل و كل واحد يروح بيته عملتلي حالة نفسية روعة كنت مفتقاداها من يجي اطناشر شهر ههع هع
زي مايكون الواحد كدة يحس بالراحة النفسية والسعادة لما يلاقي ناس تقولو امشي روح لبيتك و هو يتنح ويظل مطرحو
ولقيت نفسي كدة مصرة على الدخول عنوة وسعتين وانا ادور عالمفتاح وقلبت الدنيا عالباب لحد مالقيتو والغبرة اكلتو والعناكب معششة عليه
وكسرت الباب وخشيت برجلي اليمين وجايبة معايا فحم و شواية , فاضل اللحمة اللي تنشوي بس!!
العناكب مش بروتينات بردو؟

سؤال بريء

الفقري هو اللي بيطلع له العضمة ف الكرشة


طب اللي يطلع له"انت زمالكاوي"ف الشكولاطة يبقي اية؟؟

ضاضا يثبت بالتجربة "مراية الحب مش عامية لا مؤاخذة"

الادوات:مرآة،حب،مصباح كهربائي للرؤية(عامل مساعد)

الخطوات:1- نضع الـ(حـب) مباشرة في مرمي المرآة في وضع أفقي
2- نضيء المصباح الكهربائي
(انظر الشكل(2)

الشرح:عند وضع الحب أمام المرآة فأننا نلاحظ اختفأ صورته من علي سطحها (المراية يعني)
لانه ببساطة تحولت صورته الي(بـح) وفي هذه الصورة لا يمكن للمرآة رؤيته.

الإستنتاج:مرآة الحب ستة علي ستة لا مؤاخذة.

محاولة للتفاؤل

http://www.elaghani.com/shadia/bokra.mp3

مهو انا لو حضنتكِ

برضه حتفرقعي..مافيييييييييييش فاااااااااايدة

غريبة ومش غريبة...

ان أصح حاجة ف حياتي..
تكون في الوقت الغلط والمكان الغلط وفي الظروف الغلط
وغريبة ومش غريبة برضة...
اني متأكدة,من ان الحاجة دي اللي حصلتلي في الوقت الغلط والمكان الغلط والظروف الغلط,انها هي أصح حاجة وأهم حاجة وارقي حاجة
من اي حاجة حصلتلي في الزمان الصح والمكان الصح وف الظروف الصح

ياربي ما أتعسنا نحن الفلاسفة الأذكياء :))